Korrika eta patxaraz elkarrizketatu dugu Jon Gomez Korrika 17garrenez hasten den egunean. Eta galdera oso zuena izan da: Zer da euskalakaria? Nor sentitu daiteke euskalakari? Hona hemen Jonen definizioa! [youtube http://www.youtube.com/watch?v=55Cy5HMAc04&hl=es&fs=1]
Zortzigarren Lurraldea Informatikari Euskaldunen Bileran izango da aurten. Maiatzaren 12an Miramongo Parke Teknologikoan, proiektuaren aurkezpena egiteko aukera eman digute: Gorka Julioren “Sare sozialei alderdi sozialetik begirada bat” eman ondoren eta Joxe Rojasen “Ospea eta online monitorizazioa. Zer dio internetek nire enpresaz”, Eider Fernandezen “Gizarte-sareak SEO-arengan izan duten eragina” entzun ondoren S2 gelan “Zortzigarren lurraldea… geurea da!!” aurkeztuko da jendeaurrean
Argia astekarian ere aipatzen da zortzigarren lurraldea, Kristina Martinen hitzetan, Sustatun egiten zen bezalaxe. www.argia.com/argia-astekaria
Botxotik Ziberespaziora blogean Inaki Muruaren kontuak aurkitzen ditugu Zortzigarren Lurraldeari neurriak hartu nahian. Lagun on honi, gonbitea luzatu genion ZLtik, gurekin batera amets egin dezan: nola irudikatzen duzu lurralde berri-zahar hau? Botxoko zibernauta hau matematikari aparta izateaz gain, ez da asko bustitzen bere iragarpenetan: “baina ez naiz 2011 honen hasieraren ikuspegitik epe laburrera berria zer den eta zer ez den izango esatera ausartzen. Hori bai, oso argi daukat jarrerak eta baloreak direla bene-benetan funtsezkoak, garaian garaiko tramankulu edo bitartekoen gainetik”….
Etxepare Institutuak ere Zortzigarren lurraldearen alde azaldu zen bere azken agerraldian. Euskara mundiala dela ozenki esateaz gain, zortzigarren lurraldean mugitu behar ginela aipatzen zuten azaroan egindako ekitaldian. Aizpea Goenagak argitu zuen “Euskara Mundiala” ez dela hilabete iraungo duen kanpaina izango, baizik eta iraun egingo duela, “nahi duguna jendea orrira sartzea eta parte hartu ahal izatea delako. Teknologiak distantziak laburtu eta mugak hautsi dituen garai hauetan, internet euskararen zortzigarren lurraldea bihurtu da”, gaineratu du. KOMUNIKABIDEEN LAGUNTZAREKIN Eitbren lankidetzarekin kontatuko dute ere…