Anjel Lertxundik Bilboko Euskalduna Jauregian, Kultur Politikei buruzko Nazioarteko I. Biltzarrean 2005eko Azaroaren 15ean emandako hitzaldian neurriak hartu zizkion “askatasunaren lurralde bat eraikitzeko” egin behar ziren ahaleginei.

Honela zioen bere azken solasean: “Euskararen bidez jaso nahi dugun / jasotzen ari garen etxeak

• zabala behar du izan euskaldun

  

  guztiak bertan goxo sentitzeraino;

• erosoa eta erakargarria behar du izan, auzoen arreta eta jakin-mina sortu eta irabazteko;
• eta aberatsa behar du izan: etxekoei eta auzoei Arestiren begietako mundu hura erakutsiko diena: “Nire munduaz mintzatzen naiz, naizelako munduaren neurria”.

Eta bertsoetan bezala, neurri ezberdinak proposatzen zituen ausnarketa bezala:

• munduaren neurria: euskalduntasuna testuinguru europar kultural batean kokatuz
• garenaren neurria, gure zirkunstantzia, euskararen eta kulturaren arteko nondik norakoak eztabaidatuz, zehaztuz, bultzatuz
• errentagarritasunaren neurriak
• industria kulturalen neurria
• lurraldetasunaren neurria: teknologia berrien mundua okupatzearen garrantzia azpimarratuz

GEHIAGO EGITEKO/JAKITEKO

• Bisitatu Joseba Barrenetxearen galeria Flickr-en, bere argazkiak CC-by-sa lizentzia dutela jakinik
• Erabili.com-en Lertxundiren hitzaldia osotarik irakurri eta zeure neurriak hartu
• Mapa hau ikusi edo/ta mapa kontzeptual guztien karpeta bisitatu UIBn